Ang Gampanin ng Midya sa Lipunan

Pinatutukuyan ang midyum,- midya kapag maramihan - bilang isang uri ng komunikasyong ginagamit ng tao upang makaugnay at makapagbatid ng mensahe (Livesey, 2011). 

Ang midya ay isa sa pinakamahalagang parte sa ating lipunan sa kasalukuyan. Ito’y nagsisilbing instrumento sa pagpapalaganap ng mga impormasyon, kahingian o problemang ikinahaharap ng ating bansa ganon din sa ibat-ibang bansa. Ito ay patungkol sa maaring nangyari o nangyayari o mangyayari pa lamang. Malaki ang papel na ginagampanan ng midya sa kasalukuyan, daan din ito sa makabagong pagapapalaganap ng impormasyon na maaring nakatuon sa gobyerno, mga mahahalagang nagaganap sa ating lipunan at para maging bukas ang ating isipan sa mga posibleng nangyayari sa loob at labas ng bansa.

  Sa madaling salita, ang internet, kinikilala bilang batayan ng bagong midya, ang pinakanag-uugnay sa lahat ng mga network sa buong mundo ay itinuturing na isang malaking bahagi ng bagong midya. Upang mas lalong gawing kumplikado ang usapin sa bagong midya, ang ebolusyon ng mga elektronikong kagamitan nanakakawing sa internet – tulad ng cell phones, mga digital music player, ipads, e-tablet – ay sapilitang nagpalawak sa pamantayan ng desiminasyon ng mass midya (Giles, 2010). Kailangan din nating isaalang-alangang pagkaintindi nating naapektuhan na ng bagong midya ang lumang midya. Kung kaya, ang mga pahayagan,ang radyo at telebisyon, ay nagbago na rin sa usaping online. Halimbawa, ang pahayagan dati ay mababasa lamang sa inilimbag na papel, ngayon ay mababasa na rin ito sa internet. Ang mga tugtugtin na maririnignatin sa mga transistor radio ay maririnig na rin natin sa internet, pati na rin ang panonood ng telebisyon ay ganito na rin ang gawi. (Labrador)

Ang midya ay mayroong ibat-ibang uri na kung saan maaring kang makakuha o makakalap ng mga mahahalagang impormasyon na makakatulong para malaman natin ang mga nangyayari sa kasalukuyan.  Katulad na lamang ng paggamit ng social media, telebisyon, radyo at iba pa, na kung saan ito’y nagsisilbing midyum ng mga kabataan sa pagkuha ng impormasyon na maaring magamit din sa pang edukasyon, hindi lamang pang edukasyon, ito rin ay ginagamit na libangan nilang mga kabataan ngayon. Ang dyaryo, dyornal, tabloid at iba pa ay isa ring uri ng midya na bihira ng magamit dahil ang henerasyon ngayon ay umaasa o mas sinusuportaham ang paggamit ng teknolohiya na mas madali mong magamit sa pagkuha ng mahahalagang impormasyon. Ang midya ay naging karugtong na ng pamumuhay ng maraming tao ngayon.

Komunikasyon ang isa sa susi upang magkaroon ng uganayan at pag-uunawaan ang bawat tao sa loob at labas ng ating lipunan. Ito ay isang makapangyarihang bagay upang magkaroon ng maayos na komunikasyon ang bawat isa. Mahalagang maki pag ugnayan upang magkaroon ng kaalaman at pagkakaintindihan, at ang midya ay isa sa  makabagong paraan at bagay na ginagamit upang mas maging madali ang pakikipagugnayan malayo o sa malapit na lugar. Kung walang iba’t ibang uri ang midya maaring mahirap at malabo ang pakikipagugnay at ang pagpapalitan ng nga mensahe ay maaring hindi magkatugma. Ngunit mayroon ding mga problema na kinahaharap sa paggamit ng iba’t ibang midya. Una, nagiging irresponsible ang mga kabataan sa pagpapalaganap ng impormasyon. Dahil sa pagdali ng daan ng paggamit nito may mga “fake news” na kumakalat at patuloy na kumakalat dahil hindi napipigilan ang paggamit ng social media. 

Sa paglaganap ng midya, marami na ang nagbago sa ating lipunan. Sa bawat paggamit natin ng internet, social media at iba pang uri ng midyum. Napakaraming salik ang masamang naidulot nito. Unang una na sa ating kultura, bilang isang Pilipino napakalaki ng impluwensya ng kultura ng dayuhan sa ating buhay dahil ditto, sa paglaganap ng midya mas tinatangkilik natin ang kultura ng ibang bansa kaysa sa ating bansa, kung paano tayo manamit, makikita mo sa bawat Pilipino ang paghanga sa mga pananamit na ginagamit ng mga taga ibang bansa at mas nagkakaroon sila ng pagtatangkilik sa mga produkto ng mga ito kaysa sa produkto na dapat nating pinagmamalaki bilang isang Pilipino. Sa mga pagkain din nagkakaroon ng bagong panlasa ang mga Pilipino na nakukuha nila sa mga advertisement na makikita mo sa mga social media. Natutunan na nilang kumain ng mga pagkaing hindi nila kinalakihan sa Pilipinas. Dahil dito napakalaki ng epekto ng midya sa kulturang Pilipino na nakapaloob sa ating lipunan. Ngunit ito rin ay may magandang naidudulot rin sa ating kultura dahil sa midya nagiging bukas ang ating isipan sa mga kultura ng ibang bansa at nang dahil dito mas makikita natin ang kahalagahan ng ating kultura. Bagama’t mas tinatangkilik nila ang kultura ng mga ito ay hindi pa rin naman  nakakalimutang pahalagahan ang kulturang Pilipino.

            Pangalawa ay sa ating wika, dahil sa pagusbong ng midya nakaapekto din ito sa ating wika ang paglaganap ng mga bagong salita na  nauuso, dahil sa pag-papalawak ng paggamit ng wika dahil sa paggamit ng midya. Halimbawa na nga nito ang mga salitang balbal gaya ng pagbabaliktad nila ng salita, mayor sa yorme, at mga salitang gaya ng awit ay nauuso at lumalaganap dahil sa paggamit ng uri ng midya. Gamit ang wikang Filipino sa mass midya, kusa na itong tinatangkilik ng nakararami dahil sadami na nakakaunawa at nakakaabot sa wikang ito (Francisco, 2010).

Napakalaki ng ambag ng midya sa ating lipunan, higit sa lahat, ang midya na ang isa sa mga paraan na hindi natin maaalis sa ating pang araw araw na pamumuhay. Sa tamang paggamit at pagkakaroon ng responsibilidad dito maaring isa rin ito sa maging daan para umunlad ang isang lipunan. Ang midya ay ang magiging boses upang iparating ang mga pangyayari na magbibigay kaalaman sa mga tao sa paligid nito.  At ito ang humuhubog  sa paglaki at paglawak ng mga impormasyon na tumatalakay sa ating lipunan.

Bilang isang indibidwal na nakikinabang sa mga gamit ng midya dapat alamin nating ang maaring naidudulot natin sa ating buhay. Mahalagang malaman natin ito dahil tyao rina ng nagpapalawak at nasa kamay natin kung bakit ang midya ay naging mahalaga sa kasalukuyang pamumuhay ngayon.